Şwesiýaly alymlar sanjym edilensoň bäş günden ýitip gidýän, nanobölejiklere esaslanýan wagtlaýyn kardiostimulýator döretdiler. Nature Communications žurnalynda çap edilen barlagda adatdan daşary ýagdaýlarda ýürek aritmiýasyny düzetmek üçin niýetlenen nanobölejikli geliň ulanylyşy beýan edilýär.
Lund uniwersitetiniň topary adaty kardiostimulýatorlara alternatiwa teklip etdi. Olaryň enjamy ultra inçe iňňeli şprisden goýberilýär we düzüminde ýüregiň dokumasyna galtaşanda elektrik geçiriji gidrogel emele getirýän nanobölejikler bar. Bu gel ýüregiň elektrik signallaryny kadalaşdyrýar, bäş güne çenli aritmiýanyň öňüni alýar, soňra bolsa hiç hili yz galdyrmazdan eräp, ýitip gidýär.
Enjam zebra we towuk düwünçeklerinde üstünlikli synag edildi. Gel zäherlenme döretmedi we ýüregiň kadaly urşuna täsir etmedi.
Barlagçylar has iri haýwanlarda synag geçirmegi meýilleşdirýärler. Şeýle hem, olar bu wagtlaýyn kardiostimulýatory dolandyrmak üçin ykjam programma döretmek isleýärler.
