Ýakynda Türkmenistanyň Katardaky ilçisi Myratgeldi Seýitmämmedow Katar Döwletiniň Syýahatçylyk boýunça edarasynyň başlygy Saad bin Ali Al Harji bilen duşuşygy boldy.
Türkmenistanyň diplomatik wekilhanasynyň habar bermegine görä, duşuşygyň dowamynda ilçi ýurdumyzda syýahatçylygy ösdürmek boýunça amala aşyrylýan işler we bu pudakda ýetilen üstünlikler, hususan-da, “Awaza” milli syýahatçylyk zolagy hem-de Arkadag şäheri barada aýdyp geçdi.
Ali Al Harji Türkmenistan bilen syýahatçylyk pudagynda ikitaraplaýyn hyzmatdaşlygyň ýola goýulmagy üçin gerekli işleriň alnyp barylmagynyň möhümdigini belledi.
Mundan başga-da, Türkmenistanda ýylyň şygary bolan “Pähim-paýhas ummany Magtymguly Pyragy” ýyly barada hem-de akyldar şahyr Magtymguly Pyragynyň doglan gününiň 300 ýyllygy mynasybetli Türkmenistanda we dünýäniň dürli künjeklerinde geçirilýän medeni köpçülikleýin çäreler barada durlup geçildi.
