NASA “Artemida” programmasynyň Aý missiýasy üçin niýetlenen Space Launch System (SLS) agyr raketanyň ýygnalmagyny togtatdy. Inženerler Orion kosmiki gämisiniň ýylylyk geçirmeýän ekrany bilen baglanyşykly näsazlyklary derňeýärler diýip, Arstechnica.com ýazýar.
2022-nji ýylda dolandyryjysyz “Artemida I” synag uçuşynda Orion-yň ýylylyk geçirmeýän ekrany Ýere gaýdyp gelýärkä 2760 gradus temperatura çydady, ýöne ekranyň bir bölegi ýitdi.
NASA bu meseläniň sebäbini kesgitlemek üçin içerki we garaşsyz derňewleri geçirýär.
NASA-nyň gözleg ulgamlaryny ösdürmek boýunça kömekçi dolandyryjysy Ketrin Kerner: "Derňew geçirýändigimiz sebäpli, indiki hereketlerimiz barada entek resmi karar almadyk".
Meseläniň mümkin bolan çözgütleri uçuşyň traýektoriýasynyň üýtgedilmegini ýa-da ýylylyk geçirmeýän ekranyň düýbünden üýtgedilmegini öz içine alýar. Soňky çözgüt 2025-nji ýylyň sentýabr aýyndan 2027-nji ýyla çenli “Artemida II” missiýasyny gijikdirip biljek Orion-yň bölekleýin sökülmegini talap eder.
