Türkmenistanyň Oguz han adyndaky inžener-tehnologiýalar uniwersitetiniň wekilleriniň gatnaşmagynda Eýranyň Horasan-Rezawi welaýatynyň ylmy-tehniki parkynda üç günlük duşuşyk geçirildi.
THP-niň ISNA agentligine salgylanyp habar bermegine görä, iş saparyň çäklerinde türkmen hünärmenleri Maşatda ýerleşýän ylmy-tehniki parkyň nebit-himiki, elektriki we başga pudaklardaky mümkinçilikleri bilen tanyşdylar.
Bellenilişi ýaly, bu gatnaşyklar täze tehnologiýalaryň işlenilip taýýarlanmagynda we iki döwletiň ylmy kuwwatynyň ösüşine ýardam eder.
Duşuşygyň barşynda iki döwletiň goňşuçylyk gatnaşyklary netijesinde dürli ugurlar boýunça hyzmatdaşlygyň mümkinçilikleri nygtaldy.
Türkmenistanyň Oguz han adyndaky inžener-tehnologiýalar uniwersiteti bilen “Horasan” ylmy-tehniki parkyň arasynda ylmy gatnaşyklary, derňew we tehnologik gatnaşyklary, şeýle-de iki döwletiň arasynda bilim we tejribe çalşygy, innowasion ekoulgamy ösüşine ýardam etmek boýunça özara düşünişmek baradaky Ähtnama gol çekmek teklibi öňe sürüldi.
Häzirki wagtda “Horasan” ylmy-tehniki parkynda 475 sany tehnologiki kompaniýa iş alyp barýar. Olarda 6 müň töweregi adam zähmet çekýär.
