Dacia Sandero heçbegi 2024-nji ýylyň birinji ýarymynda Ýewropada iň köp satylan awtoulag boldy. Bu awtoulag 2023-nji ýylda satuwda birinji ýeri eýelän Tesla Model Y-dan öňe geçdi diýip, Carscoops habar berýär.
Ýanwar-iýun aýlary aralygynda 143,6 müň sany Dacia Sandero awtoulagy satyldy.
Sanderonyň meşhurlygy, onuň 11,5 müň ýewrodan başlaýan elýeterli bahasy bilen düşündirilýär. Heçbekden soň, satuwda ikinji orny Volkswagen Golf (127 müň ulag) eýeleýär, ondan soň Renault Clio (114,6 müň ulag) we Volkswagen T-Roc (111,4 müň ulag) awtoulaglary durýar.
Elektrik ulaglarynyň arasynda iň meşhur bolan Tesla Model Y sanawda 101,2 müň awtoulag netijesi bilen diňe sekizinji orny eýeledi.
