OpenAI macOS üçin ChatGPT-niň täzelenen görnüşini hödürledi. Indi ulanyjylar AI kömekçisi bilen beýleki programmalaryň ýokarsynda ýerleşýän kiçi penjire arkaly aragatnaşyk saklap bilerler diýip, TechRadar habar berýär.
Bu funksiýa penjireleri çalyşmazdan binäçe işi birden bitirmäge mümkinçilik berýär.
Şeýle hem täzelenme kämilleşdirilen maglumat seljeriş funksiýalaryny öz içine alýar. Ulanyjylar has giňişleýin derňew üçin ChatGPT tarapyndan döredilen diagrammalara we tablisalara goşmaça düzedişleri goşup bilerler.
Bu gowulaşmalara garamazdan, programma täzelenende käbir kynçylyklar ýüze çykyp biler. Kiçi penjire funksiýasyny goşýan 1.2024.199 wersiýasy, bu funksiýasy bolmadyk 1.2024.212 wersiýasy bilen çalşyrylyp bilner.
Şeýle hem, OpenAI ChatGPT-niň Windows wersiýasynyň 2024-nji ýylda çykjakdygyny mälim etdi. Täzelenme, M1 çipi we macOS 14 (Sonoma) ýa-da has soňraky operasion ulgamy bolan Mac ulanyjylary üçin elýeterlidir.
