Rus alymlary diwarlary ýyladyp, mikroblardan goraýan we faza geçişi bolan täze material (PCM) döretdiler. Material N.E. Bauman adyndaky Moskwa döwlet tehnologiki uniwersitetinde we Russiýanyň Ylymlar akademiýasynyň himiki fizika we lukmançylyk himiýasy meseleleri boýunça federal gözleg merkezinde işlenip düzülýär.
PCM gurluşyk garyndylarynyň ýylylyk we gidrofob aýratynlyklaryny ýokarlandyrýar. Parafinleriň we mumuň goşulmagy, esasanam, çyg we howa çalşygy pes otaglarda mikroblaryň emele gelmegini haýalladýar ýa-da olary düýbünden ýok edýär.
Bu material elektrik togy öçürilende amatly temperaturany saklamak üçin ýylylyk saklaýjy bölümlerde we gyzgyn suw üpjünçilik ulgamlarynda ulanylyp bilner. Şeýle hem material elektrik toguny talap etmeýän öý ulgamlary döredilende ýylylygy sazlamak üçin amatlydyr.
Häzirki zaman gurluşyklarda PCM kompozitleri maksadyna we ulanylyşyna baglylykda 2%-den 13%-e çenli tygşytlylyk täsirini görkezýärler. Olar, aýratyn hem, dowamly gyşly sebitlerde “beden ýyladyjy” hökmünde ulanylyp bilner.
Işläp düzüjiler grafen ulanyp, materialyň ýylylyk geçirijiligini ýokarlandyrmak boýunça işleri dowam etdirýärler, bu bolsa zarýad alyş prosesini we energiýa çykarylyşyny çaltlaşdyryp, netijeliligi ýokarlandyrar.
