Serdar Berdimuhamedow Gazagystana sapar bilen barar

  • 05.08.2024 22:47
  • 7.7k+

Kasym-Žomart Tokaýew Prezident Serdar Berdimuhamedowy Gazagystana sapar bilen gelmäge hem-de öňde Astanada boljak möhüm forumlara gatnaşmaga çagyrdy. Bu barada Gazagystanyň Baştutany 5-nji awgustda Prezident Serdar Berdimuhamedow bilen geçiren telefon arkaly söhbetdeşliginde aýtdy diýip, “Watan” habarlar gepleşiginde habar berildi.

Bellenilip geçilişi ýaly, ýakyn günlerde Astanada Merkezi Aziýa ýurtlarynyň döwlet Baştutanlarynyň altynjy Konsultatiw duşuşygy hem-de  “Merkezi Aziýa+Ýaponiýa” dialogyň birinji Sammiti geçiriler.
Serdar Berdimuhamedow çakylyk üçin gazak kärdeşine minnetdarlyk bildirip, öňde boljak duşuşyklarda beýan ediljek başlangyçlaryň sebitde hyzmatdaşlygyň täze mümkinçiliklerini kesgitlemäge ýardam berjekdigine ynam bildirdi we şol çäreleriň üstünlikli geçirilmegini arzuw etdi.
Telefon arkaly söhbetdeşligiň dowamynda dürli ugurlar boýunça okgunly ösdürilýän ikitaraplaýyn hyzmatdaşlygyň ileri tutulýan ugurlary boýunça gyzyklanma bildirilip pikir alşyldy.
Bilelikdäki taslamalary, hususan-da, gaz, energetika pudaklarynda hem-de  ulag-üstaşyr ulgamda  bilelikdäki taslamalary durmuşa geçirmek meselesi giňişleýin ara alnyp maslahatlaşyldy.
Şeýle hem söhbetdeşligiň barşynda täze wehimleriň ýüze çykýan şertlerinde sebit derejesinde tagallalaryň utgaşdyrylmagynyň möhümdigi bellenildi. Şunda Türkmenistanyň sebitiň ähli döwletleri bilen dost-doganlyk, hoşniýetli goňşuçylyk gatnaşyklarynyň mundan beýläk-de pugtalandyrylmagyna berk ygrarlydygy tassyklanyldy.


düýn 15:26
1.4k+

Türkmenistan Termez dialogynyň birinji mejlisine gatnaşdy

20-nji maýda Türkmenistanyň daşary işler ministriniň orunbasary Ahmet Gurbanow Merkezi we Günorta Aziýanyň arasyndaky arabaglanyşyk boýunça Termez dialogynyň birinji mejlisine gatnaşdy. Bu barada Türkmenistanyň DIM-nde habar berdiler...

düýn 13:14
6.2k+

Dünýägözel Gulmanowa Pekinde Hytaýyň Halk wekilleriniň Ählihytaý ýygnagynyň hemişelik komitetiniň Başlygy bilen duşuşdy

Türkmenistanyň Mejlisiniň Başlygynyň ýolbaşçylygyndaky wekiliýetiň Hytaýa iş saparynyň çäklerinde Hytaý Halk Respublikasynyň Halk wekilleriniň Ählihytaý ýygnagynyň hemişelik komitetiniň Başlygy Çao Letzi bilen giňişleýin düzümdäki duşuşygy geçirildi...

düýn 13:09
1k+

Türkmenistanly ýaşlar Täjigistanda geçirilýän halkara foruma gatnaşýarlar

21–24-­nji maý aralyg­ynda T­äjigistanyň paýtagty­ Duşenbe­ şäherinde 100-den gowrak wekiliň gatnaşmagynda  ­­Merkezi Aziýa ýurtlar­ynyň we Aýl­agdaky ar­ap döwletler­iniň Hyz­matdaşlyk Geň­eşine a­gza ýurtlaryň ýaşlar ­forumy geç­irilýär...

düýn 13:04
3.1k+

Türkmenistanyň Mejlisiniň wekiliýeti Pekinde Sun Sinlin adyndaky merkeze baryp gördi

22-nji maýda Türkmenistanyň Mejlisiniň Başlygynyň ýolbaşçylygyndaky wekiliýeti Hytaýa iş saparynyň çäklerinde Pekin şäherindäki Sun Sinlin adyndaky Ýaşlar, ylym we tehnologiýa alyş-çalyş merkezinde boldular. Bu barada milli parlamentiň metbugat gullugy habar berýär...