Italiýadaky arheologlar Serberiň mazaryndaky iki müň ýyllyk sarkofagda atly-abraýly rimliniň gowy saklanan galyndylaryny tapdylar. Gazuw-agtaryş işleri Julýano-in-Kampaniýa şäherinde geçirildi diýip, Arkeonews ýazýar.
Bu açyş golaýdaky nekropolda gazuw-agtaryş işlerine taýýarlyk görülýän mahaly edildi. Alymlar mikrokamera ulanyp, möhürlenen sarkofagyň içine seredip bildiler we köpüne dolanan mumiýalanan jesedi, şeýle hem melhemli we ýakymly ysly tütetgi gaplaryny tapdylar. Gazuw-agtaryş işleriniň müdiri Simona Formolanyň sözlerine görä, köpün mazaryň täsin howa şertleri sebäpli oňat saklanyp galypdyr.
Tapyndylar, şol sanda jaýlanyş goş-golamlary we jaýlanyş çäresiniň taýýarlygy mazaryň atly maşgalanyň ata-babasyna degişlidigini görkezýär. Guburdan alnan nusgalaryň laboratoriýa seljermeleri jesedi balzamlamakda selmäniň we ýowşanyň ulanylandygyny görkezdi.
Alymlaryň pikirine görä, Serberiň Mazarynyň mundan beýläkki barlaglary gadymy şäherçäniň taryhyny we jemgyýetçilik gurluşyny açyp görkezer.
