Massaçusets Tehnologiýa institutynyň, Garward we Kolumbiýa uniwersitetleriniň alymlary eşidiş ukyby pes bolan adamlar üçin gulaga oturdylýan UmboMic mikrofonyny döretdiler. Bu barada New Atlas habar berýär.
3x3 millimetr ölçeginde bolan bu enjam eşidiş apparatlarynyň daşky mikrofonlarynyň işine meňzeş funksiýany ýerine ýetirýär. UmboMic orta gulaga ýerleşdirilýär, bu ýerde onuň piezoelektrik PVDF (poliwinilidendiflorid) materialy gulak perdesinden titremäni kabul edip, elektrik signallaryna öwürýär.
Işläp düzüjileriň çözmegi başaran esasy meselesi, UmboMic-iň ýuwaş sesleri we ýygylyklary tanap bilmegidir.
Alymlar implanty ilki haýwanlarda, soňra bolsa adamlarda synag etmegi meýilleşdirýärler.
UmboMic eşidiş ukyby pes bolan adamlara has rahat durmuşda ýaşamaga mümkinçilik berjek doly içki eşidiş apparadyny döretmek üçin täze mümkinçilikleri açýar.
