Massaçusets Tehnologiýa Institutynyň alymlary gan-beýni barýerine girip, beýnini ýokuşdyryp bilýän Toxoplazma gondii parazitiniň täze ulanylyşyny tapdylar. Geljekde bu parazit derman serişdelerini näsaglaryň beýnisine eltmek üçin gymmatly gural bolup biler diýip, Science Alert ylmy neşiri ýazýar.
Gan-beýni barýeriniň köp molekulalary we beloklary böwetlemegi, beýni keselleriniň bejerilmegini kynlaşdyrýar. Alymlar parazitiň bejeriş beloklaryny göni beýnä geçirip bilmegi üçin T. gondii-niň sekretor ulgamyny üýtgetdiler.
Beýni öýjükleriniň we syçanlaryň üstünde geçirilen ilkinji synaglar bu usulyň işleýändigini görkezdi. T. gondii-niň gan-beýni barýerinden geçmekde özboluşly ukyby bardyr. Adaty parazit simptomsyz geçip, çynlakaý kynçylyklar döredip bilýän toksoplazmozyň döremegine sebäp bolýar. Alymlar T. gondii-niň organellerini, Rett sindromy ýaly newrologiki keselleri bejermekde peýdaly beloklary öndürmek üçin üýtgetdiler.
Beýni dokumalarynda we syçanlarda geçirilen synag, üýtgedilen parazitiň bejeriş beloklarynyň üstünlikli gowşurylmagyny we aralaşmagyny tassyklady. Geljekde üýtgedilen T. gondii çylşyrymly beýni keselleriniň täsirli bejergisine öwrülip biler.
