Prezident Serdar Berdimuhamedow Balkan, Ahal, Mary, Lebap welaýatlarynyň käbir etraplarynyň häkimlerini wezipeden boşatmak hem-de wezipä bellemek hakynda resminamalara gol çekdi.
Türkmenistanyň Prezidentiniň gol çeken resminamalaryna laýyklykda,
Ahal welaýaty boýunça
- Orazow Perhat Annagurbanowiç, özüne ynanylan wezipäni oňarmandygy üçin, Kaka etrabynyň häkimi wezipesinden boşadyldy. Bu wezipä öň Türkmenistanyň Suw hojalygy baradaky döwlet komitetiniň başlygynyň orunbasary wezipesinde işlän Serdar Orazmyradowiç Ataýew bellenildi.
- Baýgeldiýew Guwançmyrat Kakalyýewiç, özüne ynanylan wezipäni oňarmandygy üçin, Tejen etrabynyň häkimi wezipesinden boşadyldy. Bu wezipä Tejen etrabynyň häkiminiň orunbasary Guwançmyrat Orazmyradowiç Ýazmyradow bellenildi.
Balkan welaýaty boýunça
- Hojaýew Serdar Töräýewiç, özüne ynanylan wezipäni oňarmandygy üçin, Esenguly etrabynyň häkimi wezipesinden boşadyldy. Bu wezipä Arçyn Japardurdyýewiç Ýegendurdyýew bellenildi.
Mary welaýaty boýunça
- Gylyjow Saparmyrat Aşyrowiç, özüne ynanylan wezipäni oňarmandygy üçin, Mary etrabynyň häkimi wezipesinden boşadyldy. Bu wezipä Mary etrabynyň häkiminiň orunbasary Maksat Kakabaýewiç Amanmyradow bellenildi.
- Goşaýew Muhammetmyrat Tagandurdyýewiç, özüne ynanylan wezipäni oňarmandygy üçin, Ýolöten etrabynyň häkimi wezipesinden boşadyldy. Bu wezipä Ýolöten etrabynyň häkiminiň orunbasary Muhammetdurdy Rahmatullaýewiç Mämiýew bellenildi.
- Agamyradow Agamyrat Berdimyradowiç, özüne ynanylan wezipäni oňarmandygy üçin, Murgap etrabynyň häkimi wezipesinden boşadyldy. Bu wezipä Ýazmyrat Gurbangeldiýewiç Çaryýew bellenildi.
Lebap welaýaty boýunça
- Seýidow Astanogly Kullyýewiç, özüne ynanylan wezipäni oňarmandygy üçin, Çärjew etrabynyň häkimi wezipesinden boşadyldy. Bu wezipä Rustam Narkulyýewiç Jumaýew bellenildi.
