Ýaponiýanyň iSpace kompaniýasy şu ýylyň ahyrynda Aýa iberiljek kiçi Aýda ýöreýän enjam Tenacious-y gurnama işlerini tamamlady. Lýuksemburgda işlenip düzülen 5 kilogramlyk rower ikinji HAKUTO-R missiýasynyň çäklerinde Resilience gonuş modulynyň bortunda Aýa eltiler diýlip, Space.com saýtynda habar berilýär.
Tenacious Aýyň üstüni surata düşürmek üçin HD kamera bilen üpjün edilen we Ýerden dolandyrylar.
Bu iSpace-iň 2023-nji ýylyň aprel aýyndaky şowsuz missiýasyndan soň Aýa asuda gonuş üçin ikinji synanyşygydyr. Kanaweral burnundan SpaceX Falcon 9 raketasynda uçuryş ýylyň ahyryna meýilleşdirilýär. Tenacious-den başga-da, modul Artemis NASA maksatnamasynyň çäklerinde täjirçilik we ylmy enjamlary Aýa elter.
Şeýle-de, iSpace üçünji missiýanyň hem üstünde işleýär, ol 2026-njy ýyla meýilleşdirilýär we APEX 1.0 Aý modulyny ulanar.
