Türkiýäniň energetika we tebigy serişdeler ministri Alparslan Baýraktar Aşgabada saparynyň barşynda türkmen kärdeşleri bilen gepleşikleri geçirdi diýip, THP TRT Haber türk habarlar ýaýlymyna salgylanyp habar berýär.
Türkmenistanyň energetika ministri Annageldi Saparow hem-de "Türkmengeologiýa" döwlet korporasiýasynyň başlygy Gurbangeldi Saparow bilen geçirilen duşuşykda goňşy döwletler we sebitler bilen elektroenergetika gatnaşyklaryny giňeltmek strategiýasy maslahatlaşyldy.
Taraplar şeýle hem nebitgaz çykaryş senagatynda, şol sanda tebigy gaz känlerini işläp taýýarlamak ulgamynda bilelikdäki taslamalary durmuşa geçirmekde hyzmatdaşlygy maslahatlaşdylar.
