Bakolide (Italiýa) Baýýa suwasty arheologiýa seýilgähinde suwasty dikeldiş taslamasynyň çäklerinde alymlar suw basan Rim willasynyň mermer poluny tapdylar diýip, Arkeonews neşiri habar berýär.
Tapylan pol gadymy döwürlerde Rim begleriniň kaşaň şypahanasy hökmünde tanalýan suw basan Baýe şäherinde ýerleşýär. Şäher willalary, termiki çeşmeleri we gedonistik atmosferasy bilen meşhur bolupdyr. Wagtyň geçmegi bilen, Baýeniň böleklerini wulkan işjeňligi we bradiseýsma, ýagny Ýeriň üstki gatlagynyň haýaljakdan, gezekli-gezegine ýokary galmagy we aşak çökmegi sebäpli suw basypdyr.
Poluň meýdany, takmynan, 250 inedördül metr bolup, onuň ýaşy Rim imperiýasynyň ahyryna degişli edilýär. Ol çylşyrymly geometrik nagyşlary emele getirýän mermeriň uly bölekleriniň ulanylmagy bilen häsiýetlendirilýän opus sectile usuly bilen ýasalypdyr. Bu usul, köplenç, willalar, köşkler we köpçülik hammamlary ýaly, kaşaň binalarda baýlyga we çeperçilik ussatlyga baýrynmak üçin ulanylýar.
Gyzykly tarapy, pol ulanylan mermerden gurlupdyr, munuň çykdajylary azaltmak üçin edilen bolmagy mümkin. Bu, hatda iň baý adamlaryň hem Rim imperiýasynyň dargaýan döwründe maliýe kynçylyklaryny başdan geçirendigini görkezýär.
