Niderlandlardaky Delft tehniki uniwersitetiniň alymlary garynjalaryň nawigasion ukyplaryndan ruhlanan kiçijik dronlary döretdiler.
Täze CrazyFlie dronlarynyň agramy bary-ýogy 56g bolup, olarda garynjalaryň ugur kesgitleýiş ukubyna meňzeýän nawigasion ulgamy bar. Uly göwrümli LiDAR görkezijilerine derek, işläp düzüjiler daş-töweregi surata düşürýän we suratlary dronyň “ýat kartasy” bilen deňeşdirýän hemme taraplaýyn kamerany ulandylar. Bu ulgam drona iň az mukdarda maglumat ulanyp, 100 metre çenli aralykdaky ugry hem kesgitlemäge we esasy stansiýa gaýdyp gelmäge mümkinçilik berýär.
CrazyFlie göwrüminiň kiçi we agramynyň ýeňil bolanlygy sebäpli, dar ýerlere sygýar we çaknyşyklara çydap bilýär. Gözlegçiler dronlaryň ammarlara gözegçilik etmek, gaz syzyşlaryny tapmak we çäklendirilen ýerlere girmek ýaly beýleki meseleler üçin hem ulanylyp bilinjekdigine ynanýarlar.
