21-nji iýulda Eýranyň Tähran prowinsiýasyndaky Eslamşehr şäherinde ýerleşýän ýurduň iň uly gury porty bolan Aprindäki ammardan Türkmenistanyň üsti bilen Hytaýa ýük otlusy ýola düşdi.
Hytaýyň demirgazyk-günbataryna çenli uzajak 10 297 kilometrlik ugur iki hepdeläp dowam eder, bu bolsa ýüküň deňiz boýunça ugradylmagyndan iki esse çaltdyr diýip, Eýranyň «Press TV» agentligi habar berýär.
Otly Türkmenistan bilen serhetdäki Inçeburun stansiýasyna tarap ugur aldy. Ol onlarça konteýner alyp barýar we Hytaýyň Iu şäherindäki soňky nokadyna ýetmezden ozal, Türkmenistanyň üsti bilen Gazagystanyň Altynkol stansiýasyna barar.
Eýranyň Söwda we demir ýol amallary boýunça wise-prezidenti Morteza Jafari otlularyň hepdede bir gezek iki tarapa gatnajakdygyny, soň bolsa onuň ýygylygynyň üstüniň günde ýene bir otly bilen ýetiriljekdigini aýtdy.
19-njy iýulda Russiýa, Gazagystan, Türkmenistan hem-de Eýran 2024-2025-nji ýyllar üçin «Demirgazyk — Günorta» halkara ulag geçelgesiniň gündogar ugrunyň mümkinçiliklerini sinhron ösdürmek boýunça ýol kartasyna gol çekdiler.
