Türkmenistan, Gazagystan, Russiýa we Eýran "Demirgazyk- Günorta" ulag geçelgesini ösdürmegiň meýilnamasyny tassykladylar

  • 20.07.2024 09:13
  • 5.9k+
Türkmenistan, Gazagystan, Russiýa we Eýran "Demirgazyk- Günorta" ulag geçelgesini ösdürmegiň meýilnamasyny tassykladylar

19-20-nji iýulda Gazagystanda Aktauda geçirilýän birinji "Demirgazyk-Günorta" ulag söwda-eksport forumynda Russiýa, Gazagystan, Türkmenistan we Eýran "Demirgazyk-Günorta" halkara ulag geçelgesiniň gündogar ugruny birsydyrgyn ösdürmek boýunça Ýol kartasyna gol çekdiler.

Resminama laýyklykda, 2027-nji ýyla çenli bu geçelgäniň geçirijilik kuwwaty ýylda 15 million tonna, 2030-njy ýyla çenli bolsa 20 million tonna çenli artmaly.

"Demirgazyk-Günorta" halkara ulag geçelgesi ýük daşamalaryny artdyrmagyň ýokary mümkinçiliklerine eýe we ol Hindi ummanyna üstaşyr daşamalar üçin iň gysga howpsuz ugur bolup durýar" diýip, Gazagystanyň Ulag ministrligi edaranyň ýolbaşçysy Marat Karabaýewiň sözlerini getirýär.

Aktaudaky foruma 12 döwletden, şol sanda Azerbaýjandan, Ermenistandan, Owganystandan, Belarusdan, Yrakdan, Eýrandan, BAE-den, Omandan, Russiýadan, Özbegistandan, şeýle hem Ykdysady hyzmatdaşlyk guramasynyň we Ýewraziýa ykdysady toparynyň wekillerinden 440-dan gowrak adam gatnaşdy.

Türkmenistanyň we Özbegistanyň daşary işler ministrleri öňde boljak bilelikdäki çäreleri maslahatlaşdylar
düýn 13:36
4.4k+

Türkmenistanyň we Özbegistanyň daşary işler ministrleri öňde boljak bilelikdäki çäreleri maslahatlaşdylar

28-nji iýulda Türkmenistanyň wise-premýeri, daşary işler ministri Raşid Meredow bilen Özbegistanyň daşary işler ministri Bahtiýor Saidowyň arasynda telefon arkaly söhbetdeşlik geçirildi. Özbegistanyň DIM-niň habar bermegine görä, taraplar iki ýurduň arasyndaky strategik hyzmatdaşlygy berkitmek, hyzmatdaşlygyň täze ugurlaryny ösdürmek hem-de öňde boljak sebit we halkara çäreleri ara alyp maslahatlaşdylar...

Bakuwda türkmen-azerbaýjan hökümetara toparynyň mejlisi geçirildi
düýn 13:13
3.2k+

Bakuwda türkmen-azerbaýjan hökümetara toparynyň mejlisi geçirildi

28-nji iýulda Bakuwda Türkmenistanyň we Azerbaýjan Respublikasynyň arasyndaky Ykdysady we ynsanperwer ugurlarda hyzmatdaşlyk boýunça bilelikdäki Hökümetara toparynyň 8-nji mejlisi geçirildi. Mejlis Türkmenistanyň wise-premýeri Nökerguly Atagulyýewiň we Azerbaýjanyň ykdysadyýet ministri Mikail Jabbarowyň başlyklyk etmeginde geçirildi...

Türkmenistanyň biržasynda geçen hepdede baglaşylan geleşikleriň bahasy 96 mln dollardan geçdi
28.07.2025 14:47
2.4k+

Türkmenistanyň biržasynda geçen hepdede baglaşylan geleşikleriň bahasy 96 mln dollardan geçdi

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 19-sy hasaba alyndy. Geleşikleriň jemi bahasy ABŞ-nyň 96 million 517 müň dollaryndan gowrak boldy. Daşary ýurt puluna Birleşen Arap Emirlikleriniň, Türkiýäniň we Owganystanyň telekeçileri “Türkmenhimiýa” döwlet konserniniň kärhanasynda öndürilen suwuklandyrylan gazy, karbamidi satyn aldylar...

Türkmenistanyň wekiliýeti Russiýada geçirilen Halkara ekologiýa maslahatyna gatnaşdy
28.07.2025 14:01
6.9k+

Türkmenistanyň wekiliýeti Russiýada geçirilen Halkara ekologiýa maslahatyna gatnaşdy

25-nji iýulda Türkmenistanyň wise-premýeri N.H.Atagulyýewiň ýolbaşçylygyndaky Türkmenistanyň wekiliýeti Russiýa Federasiýasynyň Altaý Respublikasynda geçirilen Halkara ekologiýa maslahatyna gatnaşdy. Bu barada Türkmenistanyň DIM-nde habar berdiler...