Skolkowo Ylym we tehnologiýa institutynyň (Skolteh) rus alymlary Sberbank konglomeratynyň goldawy bilen guraklygy bir ýyl öňünden çaklamaga mümkinçilik berýän algoritm döretdiler diýip, Hi-tech mail.ru habar berýär.
Nerw ulgamlaryna we aýlyk howa maglumatlaryna esaslanýan bu model gurak howany ýokary takyklyk bilen çaklamagy başarýar. Öwretmek üçin dünýäniň her hili howa zolakly bäş sebitinden toplanan maglumatlar ulanyldy, esasanam, synaglar Polşany, Missurini (ABŞ), Goýasy (Braziliýa), Madhýa-Pradeşi (Hindistan) we Gazagystanyň demirgazyk bölegini öz içine aldy.
Täze tehnologiýa oba hojalygy kärhanalaryna töwekgelçilikleri wagtynda göz öňünde tutmaga, işlerini meýilleşdirmäge we gurakçylykdan geljek zyýany azaltmak üçin öňünden çäreleri görmäge mümkinçilik berer.
“Dürli faktorlary, şol sanda ählumumy maýlamany göz öňünde tutmak zerurlygy sebäpli bu tebigy hadysany modellemek gaty kyn. Biziň modellerimiz bir ýyl öňünden gurakçylygy dogry çaklamaga mümkinçilik berýär " - diýip, Skolteh amaly emeli aň merkeziniň barlagçy inženeri Aleksandr Marusow nygtady.
