Bukingem köşgüniň, adatça, diňe monarh we şa maşgalasy üçin elýeterli bolan Balkon zaly ilkinji gezek halk köpçüligi üçin açylar. Bu barada CNN ýazýar.
Myhmanlar şa maşgalasynyň aýratyn ýagdaýlarda ýygnanýan otagyny synlap bilerler, ýöne eýwanyň özüne çykmak gadagan ediler, diňe ýukajyk perde arkaly syn etmek mümkinçiligi bolar.
45 minut dowam edýän ekskursiýa 15-nji iýuldan 31-nji awgusta çenli dowam eder. Bahasy, takmynan, $97 bolan petekler eýýäm satylyp gutardy.
Ekskursiýanyň iň gyzykly bölegi hut merkezi otag bolar (balkonyň aňyrsyndaky otag resmi taýdan şeýle atlandyrylýar), bu ýerde lotos şekilindäki aýna lýustra we 1897-nji ýylda Hytaý imperatory tarapyndan şa aýaly Wiktoriýa Brilliant ýubileýi mynasybetli sowgat berlen XVIII asyryň 2 sany ýüpek diwar bezegi ýaly özboluşly eksponatlar goýlar.
Balkon zalyny öz içine alýan köşgüň gündogar ganatynyň abatlaýyş işleri 5 ýyldan gowrak wagt dowam etdi. Ol 10 ýyl dowam etmegine garaşylýan Bukingem köşgüniň tutuş durkuny täzeleýiş işleriniň bir bölegidir.
