Aşgabat şäherindäki syýahatçylyk orta hünär okuw mekdebi «Gid-terjimeçi (syýahatçylyk pudagynda)» hünäri boýunça ýolbeletleri taýýarlaýan gysga möhletleýin okuwlarynyň täze tapgyrlarynda okamaga çagyrýar.
Ýurdumyzyň tebigy-syýahatçylyk we taryhy-medeni mümkinçilikleri, baý milli däpler we olaryň özboluşlylygy Türkmenistanyň syýahatçylyk pudagynyň ösüşinde aýratyn orun eýeleýär.
Daşary ýurtlardan gelýän jahankeşdeleriň sanyny artdyrmak, ýurduň syýahatçylyk boýunça özüne çekijiligini kemala getirmek we tebigy, arheologik, taryhy-medeni, dikeldiş-bejeriş ýaly ugurlary boýunça Türkmenistanyň syýahatçylyk baýlyklaryny mahabat etmek hem-de ýolbelet hyzmatlaryň ýokary hilli bolmagy ugrunda hem birnäçe işler alnyp barylýar. Şu işleriň çäginde hem, Aşgabat şäherindäki syýahatçylyk orta hünär okuw mekdebinde «Gid-terjimeçi (syýahatçylyk pudagynda)» hünäri boýunça ýolbeletleri taýýarlaýan gysga möhletleýin okuwlar hereket edýär. Okuwlaryň dowamlylygy — 3 aý.
Orta hünär okuw mekdebinde taýýarlanýan hünärmenleriň beýleki ugurlary barada giňişleýin maglumaty syyahatohom.edu.tm web salgydan öwrenip bilersiňiz.
Habarlaşmak üçin telefon belgileri:
+99365-96-66-13;
+99365-89-19-59.
