Hytaýyň BYD awtoöndürijisi Tailandda täze zawod açdy we konweýerden kompaniýanyň täze energiýa çeşmelerinde işleýän 8 millionunjy awtomobilini çykardy. Kompaniýa üçin rekord 16 aýda gurlan zawod ASEAN ýurtlaryna we beýleki sebitlere eksport üçin önümçilik bazasy bolar diýip, IXBT habar berýär.
Dünýäde elektromobil satuwy boýunça öňdebaryjylaryň üçlügine girýän BYD Günorta-Gündogar Aziýada ynamly ösüş görkezýär. Tailandyň elektromobil bazarynda kompaniýanyň paýy 41%-e ýetdi, BYD bu ýerde eýýäm 18 aý bäri satuw boýunça öňdebaryjydyr.
Tailandda BYD-yň birikdirilýän gibrid modelleri çykarylar, bu hem kompaniýa bazardaky öňdebaryjylygyny berkitmäge kömek eder. Tailand BYD-yň ýurtda gözleglere we işläp taýýarlamalara maýa goýumyny dowam etdirmegine umyt bildirip, kompaniýa salgyt ýeňilliklerini we maliýe goldawyny berdi.
8 millionunjy BYD elektromobili Tailand bazarynda iň meşhur model bolan Dolphin boldy.
BYD elektromobil satuwy boýunça Tesla-nyň yzyndan ýetip barýar. Ikinji çärýekde hytaý awtoöndürijisi satuwy 21% ýokarlandyrdy. Umuman alanyňda, aprel – iýun aýlarynda BYD markaly 426 039 elektromobil satyldy, bu Tesla-nyň şol döwürdäki üpjünçiliginden bary-ýogy 12 müň awtomobil azdyr. Şeýle depginler bilen BYD öňdebaryjy global elektrokar öndürijisi bolup biler.
