NASA Halkara kosmos stansiýasyndan iki sany kiçijik emeli hemranyň uçurylyp goýberilişiniň wideosyny paýlaşdy. Bu hadysa HKS-nyň bortundaky kosmonawtlar syn etdiler.
Adaty aýakgap gutusynyň ululygyndaky iki sany kub görnüşli hemra 2024-nji ýylyň 18-nji aprelinde ýörite Nanoracks CubeSat Deployer ýaýbaňlandyryş mehanizminiň kömegi bilen uçuryldy. BurstCube we SNOOPI, gabaralarynyň kiçidigine garamazdan, möhüm ylmy işleri ýerine ýetirerler.
BurstCube gamma-serpikmelerini, neýtron ýyldyzlarynyň çaknyşmagy bilen baglanyşykly güýçli kosmiki partlamalary öwrenmek üçin döredildi. Onuň datçikleri grawitasiýa tolkunlaryny döredýän bu seýrek we gysga wagtlyk hadysalary bellige alyp we gözegçilikde saklap bilýär.
SNOOPI Ýeriň ionosferasyny öwrenmek üçin radiosignallary ulanar. Bu maglumatlar global nawigasiýa we aragatnaşyk ulgamlaryny gowulandyrmak üçin möhümdir.
Hemralaryň ikisi hem ösen enjamlar bilen enjamlaşdyrylandyr we alymlara dürli kosmiki hadysalar barada täze maglumatlary almaga mümkinçilik berer.
BurstCube bilen SNOOPI-niň uçurylmagy ykjam kosmiki apparatlaryň ylmy barlaglary geçirmekde geljeginiň barha ösýändigini görkezýär.
