2029-njy ýyla çenli Baltika deňzinde dünýäniň iň uzyn suwasty ötüginiň gurluşygy tamamlanar. Uzynlygy 18 kilometre barabar bolan Femarnbelt ötügi Putgarteniň nemes obşinasyny Daniýanyň Redbýu şäheri bilen birleşdirer diýip, New Atlas habar berýär.
Ötük 79 sany adaty we 10 sany ýörite bölümden ybarat bolup, hersiniň agramy, takmynan, 73 000 tonna bolar. Bölümler gury ýerde guýlup taýýarlanýar, soňra baržalarda gurluşyk meýdançasyna äkidilýär, deňziň 40 metre çenli çuňlugyna çümdürilýär we germetiklenýär.
Ötükden awtoulagly 10 minutda, otly bilen bolsa 7 minutda geçip bolýar. Bu häzirki wagtda Baltika deňziniň üstünden paromly geçmek üçin 45 minut wagt alýan ýola sarp edilýän wagty ep-esli azaldar.
Femarnbelt ötügi azyndan 120 ýyl ulanmaga niýetlenendir.
