Elektrik ulaglaryny öndürýän BYD kompaniýasynyň Hytaýyň çäginden daşyndaky ilkinji zawody resmi taýdan Özbegistanda işe girizildi. Jyzak sebitinde ýerleşýän BYD we Uzbekistan Factory-niň bilelikdäki kärhanasy ilkibaşda Chazor sedanyny we Song Plus krossowerini öz içine aljak ýylda 50 000 elektrik ulagy öndürer diýip, ýurduň prezidenti Şawkat Mirziýoýewiň metbugat gullugy habar berýär.
160 million dollar maýa goýlan zawodyň gurluşygy iki ýyl dowam etdi. Kompaniýa eýýäm böleklere möhür basmak, kebşirlemek we reňklemek ýaly ownuk düwünli usully önümçiligi ýola goýdy. Geljekde elektik hereketlendirijileriniň we batareýalaryň öndürilmeginiň ýola goýulmagy meýilleşdirilýär.
Taslamany mundan beýläk-de ösdürmegiň çäginde zawodyň kuwwatyny ýylda 300 000, soňra bolsa 500 000 awtoulaga çenli artdyrmak meýilleşdirilýär. Muňa ýetmek üçin ýene 300 million dollar maýa goýlar we işgärleriň sany 1200-den 10 000 adama çenli artar.
BYD elektrik awtoulaglary Özbegistanda satyn almak üçin elýeterlidir. Chazor sedanyň we Song Plus krossoweriň bahasy degişlilikde 273 900 000 we 387 200 000 sum (takmynan 21,8 müň 30,8 müň dollar).
