2024-nji ýylyň 15-16-njy iýulynda Daşkent şäherinde bilelikdäki türkmen-özbek toparynyň, Işewürler geňeşiniň nobatdaky mejlisleri, şeýle hem “Türkmenistanda öndürilen” atly ýurdumyzyň harytlarynyň milli sergisi geçiriler. Bu barada degişli teklibi wise-premýer B.Atdaýew anna güni Hökümet mejlisinde aýtdy.
Bellenilişi ýaly, bu çäreler “2023-2024-nji ýyllar üçin Türkmenistan bilen Özbegistan Respublikasynyň arasyndaky hyzmatdaşlygy mundan beýläk-de ösdürmek boýunça bilelikdäki çäreleriň Meýilnamasyna (Ýol kartasyna)” laýyklykda alnyp barylýan işleriň çäginde geçirilýär.
Prezident Serdar Berdimuhamedow Özbegistan Respublikasynyň biziň ýakyn goňşymyz we hyzmatdaşymyz bolup durýandygyny belledi we Söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-özbek toparynyň 18-nji mejlisine, Türkmen-özbek işewürler Geňeşiniň nobatdaky mejlisine gowy taýýarlyk görmegi tabşyrdy. Şeýle hem ýurdumyzyň harytlarynyň milli sergisini hem guramaçylykly geçirmegiň wajypdygyna üns çekildi.
