Demirgazyk Karolina uniwersitetiniň alymlary aýna polimerleriň we gelleriň häsiýetlerini özünde birleşdirýän täze “aýna görnüşli gel” döretdiler. Nature ylmy žurnalynda çap edilen makalada aýdylyşyna görä, ol 50% suwdan ybarat, ýokary derejede berk, çeýe we bugarmaýar.
Aýna görnüşli gel asyl ululygynyň 5 essesine çenli süýnüp bilýär we gyzdyrylanda aňsatlyk bilen ýene öňki kaddyna gelýär. Mundan başga-da, onuň ýokary elektrik geçirijilik we ýelmeşijilik häsiýeti bar. Düzüminde suwuklygyň mukdarynyň köpdügine garamazdan, aýna gel bugarmaýar we guramaýar.
Şeýle materialyň öndüriliş prosesi gaty ýönekeý we adaty aýna görnüşli polimerleriň suwuk prekursorlaryna ion suwuklygyny goşmakdan, soňra bolsa ultramelewşe şöhleleriň täsir etdirilmeginden ybarat.
Üýtgeşik häsiýetleriň utgaşmasy sebäpli aýna gel elektronikadan başlap, biomedikal materiallara çenli dürli ugurlarda ulanmak üçin giň mümkinçiliklere eýedir.
