Huaçžun Ylym we Tehnologiýa uniwersitetiniň alymlary beýnä ornaşdyryp bolýan, çäge zerresiniň ululygyndaky bioutgaşykly simsiz datçigi döretdiler. Bu täzelik barada Nature žurnalynda habar berildi.
Bu gidrogel datçigi implantasiýa etmek üçin çylşyrymly operasiýa gerek däl we ol beýnimizdäki temperaturanyň, basyşyň, pH derejesiniň we gan akymynyň üýtgemelerine gözegçilik etmäge ukyply.
Simsiz gurluşy we biodargama ukyplylygy sebäpli datçik saglyk üçin howpsuzdyr we kelle-beýni şikesli, rak ýa-da beýleki newrologiki keselli näsaglara gözegçilik etmekde ulanylyp bilner.
Üstesine, kiçijik gel kubjagazlary dört aýdan soň fiziologiki erginde doly eräp, bäş hepdeden soň beýnide dargaýar.
Haýwanlarda geçirilen synaglar datçigiň ýokary netijelidigini görkezdi, kindiwanja ölçegi we simleriniň ýokdugy ony beýni barlaglary üçin iň oňat gural edýär.
Indi hünärmenler ony adamlarda synag etmezden ozal, datçikler döwlende emele gelýän galyndylaryň zyýanly däldigini ýa-da olaryň bedeniň beýleki ýerlerinde ýygnanyp biljegini-bilmejegini barlamalydyrlar.
