Çikago uniwersitetiniň Pritsker molekulýar inženerçilik mekdebiniň (PME) inženerleri sowadyjy häsiýetli täze mata döretdiler.
Mata üç gatlakdan ybarat: daşky gatlagy ýylylygyň atmosfera çykmagyna mümkinçilik berýär, kümüş sapaklardan ybarat ortaky gatlagy daşardan ýylylygyň girmeginiň öňüni alýar we içki gatlagy bolsa adam bedeniniň bölüp çykarýan ýylylygyny aýyrýar.
Synag matanyň Gün şöhlesiniň we ýylylygyň 97%-ine çenlisini böwetlenýändigini we bedeniň temperaturasyny pes saklaýandygyny görkezdi. Ortaça bedeniň temperatutasy pagta futbolka geýendäkisinden 2,3°C, ýüpek futbolkada wagtyndan 8,9° C pesdi.
Şeýle hem täze mata tehnologiýanyň we ulaglaryň köplüginden ýaňa bizi gurşap alýan “şäher” yssysyndan goraýar.
Oýlap tapyşyň awtorlary matanyň tomus egin-eşiklerini tikmekde, awtoulagyň oturgyçlaryna daşlyk çekmekde we ýeňil sumkalary taýýarlamakda ulanylyp biljekdigini aýdýarlar.
