Britaniýada patyşa Karl III-niň ilkinji resmi portreti görkezildi

  • 17.05.2024 07:31
  • 11k+

Londonda resmi dabaranyň dowamynda patyşa Karl III-niň ilkinji portreti görkezildi. Beýikligi 256 santimetr bolan suratyň awtory suratkeş Jonatan Ýeo boldy diýip, Buro247 habar berýär.

Portretde patyşa Uels gwardiýasynyň gyzyl formasy bilen gabat gelýän fonda doly boýuna şekillendirilipdir. Bellenilen gwardiýa polkownigi Karl bolan britan goşunynyň bölümçesidir. Monarhyň sag egnine bolsa kebelek uçup gelýär.

“Sungat taryhynda kebelek metamorfozany we galkynyşy aňladýar. Bu ýakynda tagt başyna gelen monarhyň portreti üçin diýseň ýerliklidir. Şeýle-de, ol daşky gurşawyň goragy ugrunda çykyş edýän patyşany alamatlandyrýar” – diýip, suratkeş şekillendirilen kebelegiň manysyny düşündirýär.

Öň, biz fewral aýynda patyşada onkologiýa keseliniň ýüze çykarylandygyny habar beripdik. Ol howpsuz prostatanyň ulalmak ýagdaýy barlanan wagty anyklandy.
Britaniýaly suratkeş Jonatan Ýeo portretçi hökmünde belli boldy. Ol şazada Filipp, şa aýaly Kamilla, Toni Bler, Dewid Kemeron, Silwio Berluskoni, Kewin Speýsi ýaly köp sanly tanymal adamlaryň we syýasatçylaryň portretlerini çekdi.


düýn 00:27
9.3k+

Londonda şa gyzy Diana we iki çaga tarapyndan goýlan wagt kapsulasy açyldy

Beýik Britaniýada Uels şa gyzy Diana tarapyndan goýlan wagt kapsulasy açyldy. Bu barada The Guardian ýazýar. Agaç guty 1991-nji ýylda Londonyň merkezindäki Greýt-Ormond-Stritde Variety Club hassahanasynyň binasynyň düýbi tutulanda gömüldi...

24.08.2025 17:19
8.7k+

Britaniýaly adam bir hepdede 55 sany "amerikan depejikleri" attraksionyna münüp Ginnesiň rekordyny goýdy

Britaniýaly Din Stouks Ginnesiň rekordlar kitabyna adyny ýazdyrdy – ol bir hepdäniň içinde "amerikan depejikleri" diýlip belli bolan 55 sany attraksionlara münüpdir diýip, BBC habar berýär. Rekordçy ilkibaşda diňe Beýik Britaniýadaky we Irlandiýadaky şeýle attraksionlara baryp görmegi maksat edinendigini, ýöne soňundan rekord goýmagy ýüregine düwendigini aýtdy...

21.08.2025 16:08
14k+

Britaniýaly bagban bir tomusda Ginnesiň dört rekordyny goýdy

Glosterşir graflygyndan britaniýaly bagban Grem Barratt şu tomus birbada dört rekord goýup, Ginnesiň rekordlar kitabyna girdi. Ol birinji rekordy 2-nji iýunda goýdy: Barratt 18 santimetr uzynlykda nohut kösügini ösdürip ýetişdirdi...

18.08.2025 15:36
3.1k+

Patyşa Karl III itler üçin tagamlaryň söwdasyny ýola goýdy

Britan patyşa maşgalasynyň Şotlandiýadaky rezidensiýasynda, Balmoral galasynyň web sahypasyndaky onlaýn dükanda önümleriň täze görnüşleri peýda boldy. Indi markaly çaý önümleri, deri önümleri, oýnawaçlar we çagalar üçin kitaplar bilen birlikde itler üçin hem dürli önümleri satyn alyp bolýar...