Angliýanyň milli ýygyndysynyň öňki kapitany Dewid Bekhem Beýik Britaniýadan bolan ilkinji milliarder türgen diýlip ykrar edildi. Bu barada «The Times» neşiri ýazýar.
51 ýaşly türgeniň we onuň aýaly — aýdymçy hem-de dizaýner Wiktoriýa Bekhemiň baýlygy häzirki wagtda 1,185 milliard funt sterling ($1,58 mlrd) diýlip bahalandyrylýar. Är-aýalyň baýlygy soňky bir ýylyň içinde iki esseden gowrak ýokarlandy.
«The Times» munuň, esasan, Bekhemiň MLS-iň «Inter Maýami» klubuna goýan maýa goýumlary bilen baglanyşyklydygyny ýazýar. Ol 2018-nji ýylda bu klubuň eýeleriniň biri boldy we häzir onuň topardaky paýynyň bahasy, takmynan, 300 mln funt sterlinge ýetýär.
«Forbes» žurnalynyň soňky milliarderler sanawynda türgenlerden Maýkl Jordan ($4,3 mlrd), Medjik Jonson ($1,6 mlrd), Lebron Jeýms ($1,4 mlrd), Taýger Wuds ($1,5 mlrd) we Rojer Federer ($1,1 mlrd) bardy.
Bekhem karýerasyny 2013-nji ýylda tamamlady. Ol «Mançester Ýunaýted», «Real Madrid», «PSŽ», «Milan» we «Los-Anjeles Gelaksi» ýaly klublarda çykyş etdi. Angliýanyň, Ispaniýanyň, Fransiýanyň çempiony hem-de Çempionlar ligasynyň ýeňijisi boldy.
Milli ýygyndynyň düzüminde ol 115 oýna gatnaşyp, alty ýylyň dowamynda onuň kapitany boldy.
