Şprise derek: Sülük alymlary agyrysyz gan almak üçin gural döretmäge ruhlandyrdy

  • 07.05.2024 09:33
  • 17k+

Şweýsariýanyň Federal tehnologiýalar institutynyň (ETH Sýurih) alymlary sülüklerden ruhlanyp, gan almak üçin täze enjam döretdiler.

Täze gajet sanjymdan gorkýan adamlar üçin agyrysyz gan aldyrmakda adaty şprisleriň ornuny tutar.
Enjam hassanyň derisine berkidilýän 2,5 sm diametrli sorujy arkaly işleýär. Sorujynyň içinde polatdan ýasalan, üstünden basylanda derä sanjylýan mikroiňňeler bar.
Işläp taýýarlaýjylar: “Sülükleri öwrenmek bilen, gan almakda şuňa meňzeş ulgamy ösdürip biljekdigimize düşündik "- diýdiler.
Doňuzlarda geçirilen synaglar täze gajetiň şprise garanda agyrysyzdygyny we az wagtyň içinde has köp gan almaga mümkinçilik berýändigini görkezdi.
Şeýle hem enjam has ygtybarlydyr: gany sorup alandan soň, mikroiňňeler sorujynyň içinde gizlenýär we tötänleýin sünjülmek howpuny aradan aýyrýar.
Alymlar gyzzyrma ýaly tropiki kesellere garşy göreşde öz oýlap tapyşlarynyň peýdasynyň degjekdigini aýdýarlar.
Gözleg toparynyň ýolbaşçysy Nikol Zoratto enjamy pes girdejili sebitlerde, esasanam, Saharadan günortada Afrika ýurtlarynda ulanmagy meýilleşdirýändiklerini mälim etdi.
Häzirki wagtda alymlar enjamy mundan beýläk adamlarda barlamak görmek üçin, kämilleşdirmegiň üstünde işleýärler.


düýn 06:27
3.9k+

Hytaýda arynyň beýnisini dolandyrmagy öwrendiler. Ol diýleni 90% ýerine ýetirýär

Pekin tehnologiýa institutynyň alymlary beýnä täsir edýän dolandyryjy arkaly dolandyryp bolýan dünýäde ilkinji kiborg aryny döretdi. Bu barada South China Morning Post neşiri habar berýär. Enjamyň agramy 74 milligram bolup, bu arylaryň göterýän şireli haltasynyň agramyndan hem azdyr...

düýn 06:16
2.1k+

Alymlar bagry göçürmezden bejermek üçin sütün öýjüklerini döretdiler

Ýewropaly molekulýar biologlar organyň dokumalaryna netijeli ýapyşýan we çynlakaý zeper ýetmelerde onuň regenerasiýasyny çaltlaşdyrýan bagyr sütün  öýjükleriniň ösdürilip ýetişdirilişini işläp taýýarladylar. Bu açyş sirrozyň agyr görnüşlerinde bagyr transplantasiýasyna alternatiwa bolup biler diýip, Birmingem uniwersitetiniň metbugat gullugy habar berdi...

14.07.2025 17:12
7.5k+

Aşgazany ösümlikden doly, taryhda ilkinji ot iýýän pterozawr tapyldy

Paleontologlar taryhda ilkinji gezek aşgazanynda ösümlik iýmitiniň galyndylary bolan pterozawryň galyndylaryny tapdylar. Bu açyş agzalan uçýan süýrenijileriň käbir görnüşleriniň ot iýiji bolandygynyň ilkinji göni subutnamasydyr...

14.07.2025 10:44
2.1k+

Paleontologlar gadymy süýdemdirijiniň täze görnüşini açdy. Ol 143 mln ýyl ozal ýaşapdyr

Paleontologlar dügür dişlileriň toparyndan mezozoý süýdemdirijisiniň täze nesline we görnüşine häsiýetnama berdi. Onuň dişleriniň daşa öwrülen galyndylary Beýik Britaniýada tapyldy. Takmynan, 143 mln ýyl ozal ýaşan bu jandar Novaculadon mirabilis adyny aldy diýlip, Proceedings of the Geologists’ Association žurnalynda habar berilýär...