Russiýanyň Türkmenistanda bolýan raýatlary ýekşenbe güni RF-niň prezident saýlawlarynda bäş şäherde ses berip bilerler. Saýlaw uçastoklarynyň salgylary Russiýanyň Aşgabatdaky ilçihanasynyň saýtynda neşir edildi:
- Aşgabat, Türkmenbaşy şaýoly, jaý 11 (Ilçihananyň bilim, ylym we medeniýet bölümi);
- Türkmenbaşy, Magtymguly şaýoly, jaý 81а (Ilçihananyň konsullyk nokady);
- Mary, Watan köçesi, jaý 31 (şäher häkimliginiň binasy);
- Türkmenabat, Biytarap Türkmenistan köçesi, jaý 129А (Lebap welaýatynyň Medeniýet merkezi);
- Daşoguz, 10 ýyl Abadançylyk köçesi (şäher häkimliginiň binasy).
Saýlaw uçastoklary 17-nji martda ýerli wagt bilen 08:00-dan 20:00-a çenli hereket eder.
Bellenilişi ýaly, häzirki wagtda Türkmenistanda konsullyk hasabynda on müň adam bar. 2018-nji ýylda Türkmenistanda RF-niň prezident saýlawlarynda 4 müňden gowrak saýlawçy ses berdi.
