Prezident Serdar Berdimuhamedow Russiýa Federasiýasynyň Prezidenti Wladimir Putine “Angara” awiakompaniýasynyň raýat uçarynyň heläkçilige uçramagy we köp sanly adam pidalaryna getirmegi zerarly gynanç hatyny iberdi.
Döwlet Baştutany şu agyr pursatda gurban bolanlaryň ähli dogan-garyndaşlaryna hem-de ýakynlaryna Türkmenistanyň halkynyň we Hökümetiniň adyndan, şeýle-de öz adyndan ýürekden gynanjyny, medet beriji sözlerini beýan etdi.
“Angara” awiakompaniýasynyň An-24 raýat uçary Habarowsk - Blagoweşensk - Tynda ugry boýunça gatnawy ýerine ýetirýärdi. 24-nji iýulda irden howa gämisi birinji gezekden gonup bilmän, ikinji aýlawa gitdi we şondan soň uçar bilen aragatnaşyk kesildi. Uçarda 48 adam, şol sanda 6 sany ekipažyň agzasy bardy.
Biraz soňra howa gämisiniň bölekleri Tynda şäherinden 15 kilometrlikde dag gerşinde ýüze çykaryldy. Awiaheläkçilikde hiç kim diri galmady.
