22-nji iýulda Gorno-Altaýsk (RF) şäherinde «Ýüpek ýoly» halkara rallisi tamamlandy. T2 seriýaly off-road ulaglarynyň ýaryşynda umumy hasap boýunça 214 belgide çykyş eden doganlar Merdan we Şöhrat Toýlyýewler ýeňiş gazandylar. Bu ýeňiş olar üçin 2022-nji ýyldaky «Ýüpek ýoly» ýaryşyndaky üstünliklerinden soň ikinji boldy. 2023-nji ýylda olar ikinji orny eýeläpdi.
Ýeňijiler, takmynan, 600 km uzynlygy bolan Koş-Agajadan Gorno-Altaýska çenli dowam eden jemleýji tapgyryň netijesinde kesgitlenildi. Bu tapgyrda 216 belgide çykyş eden Mejlis Abdullaýew bilen Italmaz Çaryýewiň ekipažy Toýlyýewlerden 48 sekunt öňe geçdi, ýöne bu ahyrky netijä täsir etmedi. Olar umumylykda ikinji orny eýelediler.
215 belgide çykyş eden Maksatmyrat Daňatarow bilen Didar Orazmedow üçünji orny aldylar. Olar geçen ýyl hem bürünç medal bilen çäklenipdiler.
15-nji marafon 12-nji iýulda Irkutskda badalga alyp, ýaryşyň ugry Russiýa bilen Mongoliýanyň üstünden geçdi. Ekipažlar 4 811 km ýol geçip, Baýkaldan Burýatiýa çenli, Gobi çölüni, Mongol-Else gumlaryny we Altaý daglaryny geçdiler.
