Russiýaly Roman Şogjiýew taryhda grossmeýsteriň ilkinji normasyny ýerine ýetiren iň ýaş küştçi boldy. Bu barada Russiýanyň küşt federasiýasynyň resmi saýtynda habar berilýär.
11 ýaşly Şogjiýew Ulan-Bator şäherinde geçirilen Aziýa çempionatynda 10-njy orny eýelemegi başardy. Ýaryşda hytaýly küştçi Kun Sýanžuý ýeňiş gazandy.
2025-nji ýylyň iýul aýynda Roman Şogjiýew on ýyl, üç aý we 21 gün ýaşynda taryhda iň ýaş halkara ussat (International Master) bolmagy başarypdy.
Küştde iň ýokary dereje bolan grossmeýsteri almak üçin Şogjiýew ýene-de iki sany normany ýerine ýetirmeli bolar. Häzirki wagtda küşt taryhynda iň ýaş grossmeýster adyny ABŞ-dan Abhimanýu Mişra göterýär. Ol bu ýokary ada 2021-nji ýylyň tomsunda 12 ýaş, dört aý we 25 günlükkä eýe bolupdy.
