Özbegistanly grossmeýster Žawohir Sindarow Kiprde geçirilýän dalaşgärleriň küşt ýaryşynda möhletinden öň ýeňiş gazandy. 9,5 utuk toplan 20 ýaşly küştçi ýaryşyň tamamlanmagyna bir tapgyr galanda iň ýakyn bäsdeşi üçin yzyndan ýetmezek boldy.
Indi Sindarow dünýäniň küşt täji ugrunda häzirki çempion, hindistanly grossmeýster Gukeş Dommaraju bilen duşuşar.
Aýgytly netije 13-nji tapgyrda gazanyldy. Onda gara mallar bilen oýnan Sindarow niderlandly küştçi Aniş Giri bilen döwi deňme-deňlikde tamamlady. Oýun 58-nji göçümden soň gutardy. Häzirki wagtda Giriniň 7,5 utugy bar, bu bolsa onuň final tapgyrynda lideriň yzyndan ýetmek mümkinçiligini aradan aýyrýar.
Sekiz sany iň güýçli dalaşgäriň gatnaşmagyndaky ýaryş 29-njy martdan 15-nji aprel aralygynda iki aýlawda geçirilýär.
Žawohir Sindarow — häzirkizaman küşt dünýäsiniň iň görnükli zehinleriniň biri. Ol 12 ýaşynda grossmeýster diýen ady aldy. 2022-nji ýylda Sindarow Özbegistanyň ýygyndy toparynyň Bütindünýä küşt olimpiadasyndaky ýeňşine uly goşant goşdy, geçen ýylyň noýabr aýynda bolsa Dünýä kubogynyň ýeňijisi boldy.
