The Athletic neşiri Özbegistanyň milli ýygyndysynyň we «Mançester Siti» toparynyň goragçysy Abdukodir Husanowyň öz watanyndaky meşhurlyk derejesini portugaliýaly hüjümçi Kriştianu Ronaldu bilen deňeşdirdi.
«Abdukodir Husanow — özbekleriň Kriştianu Ronaldusydyr. Paýtagt Daşkentde «The Athletic» neşiri bilen aragatnaşyk saklaýan her bir adam, futbol bilen gyzyklanýandygyna ýa-da gyzyklanmaýandygyna garamazdan, Husanowy tanaýar. Onuň keşbi äpet mahabat tagtalaryny bezeýär, şahsy durmuşyndaky möhüm wakalar bolsa milli habarlara çykýar. Dünýä çempionatyndaky ýeňişlere bolan ähli umytlar «Mançester Sitiniň» 22 ýaşly merkezi goragçysynyň egninde dur» diýip, «The Athletic» özüniň "X" (ozalky Twitter) sosial ulgamyndaky sahypasynda ýazýar.
Husanow şu möwsümde klubuň düzüminde ähli ýaryşlarda jemi 30 duşuşyk geçirdi.
Şu ýylyň tomsunda Özbegistanyň milli ýygyndysy öz taryhynda ilkinji gezek ABŞ-da, Kanadada we Meksikada geçiriljek dünýä çempionatyna gatnaşar. Topar «K» toparynda Portugaliýa, Kolumbiýa we Kongo DR ýygyndylary bilen güýç synanyşar.
