5-nji martda “Türkmenistan” awiakompaniýasynyň “777-200 LR” kysymly uçary Aşgabat-Hoşimin-Aşgabat ugry boýunça ilkinji göni ýolagçy howa gatnawyny amala aşyrdy.
Wýetnam Sosialistik Respublikasynyň Hoşimin şäheriniň Halkara howa menzilinde “777-200 LR” kysymly uçaryň ýolagçylary myhmansöýerlik bilen garşylandylar. Bu barada “Türkmenhowaýollary” agentligi habar berdi.
Aşgabat-Hoşimin-Aşgabat ugry boýunça howa gatnawy hepdede iki gezek amala aşyrylar.
“Türkmenistan” awiakompaniýasy:
- Aşgabat – Hoşimin – Aşgabat;
- Aşgabat – Milan – Aşgabat;
- Aşgabat – London – Aşgabat;
- Aşgabat – Frankfurt – Aşgabat halkara ugurlary boýunça awiabiletlere arzanladyş hödürleýär.
Ýolagçylar üçin arzanladyş 2024-nji ýylyň 1-nji fewralyndan 31-nji martyna çenli dowam edýär.
“Türkmenistan” awiakompaniýasynyň ýolagçy uçarlary şu ýylyň 15-nji fewralynda Kuala-Lumpur (Malaýziýa) şäherine, 16-njy fewralda bolsa Jidda (Saud Arabystany Patyşalygy) şäherine ilkinji ýolagçy gatnawlaryny amala aşyrdy.
