Şweýsariýanyň, Ýaponiýanyň, ABŞ-yň we beýleki ýurtlaryň alymlaryndan ybarat halkara topar NASA-nyň ýörite DART zondunyň urgusynyň kömegi bilen Dimorf asteroidiniň ugruny üýtgetmek boýunça missiýasynyň netijelerini öwrendi. 2022-nji ýylyň 26-njy sentýabrynda bolup geçen bu çaknyşyk diňe bir kosmos gaýasynyň asylky barýan ugruny üýtgetmek bilen çäklenmän, eýsem onuň daşky görnüşini hem üýtgetdi diýip, Nature Astronomy (NatAstro) ylmy žurnalynda çap edilen barlagda aýdylýar.
Agramy 580 kg bolan DART apparaty, takmynan, 5 million tonnalyk Dimorfa baryp urdy. Alymlaryň bellemegine görä, bu birbada iki awtobusa baryp urlan garynja bilen deňeşdirilýär.
Gabaralaryndaky we agramlaryndaky bu tapawutlar Dimorfdan asteroidi haýalladýan we onuň Didima asteroid-hemranyň töwereginde aýlanyş wagtyny 30 minut artdyran, takmynan, 20 müň tonna daşy we beýleki materiallary döwüp gaçyrmagyna päsgel bermedi.
Gözleg asteroidiň kosmosda magdan gazmagy meýilleşdirýän kompaniýalar üçin gyzykly bolup biljek gowşak gurluşynyň bardygyny görkezdi.
