Dubaý täjirçilik elektrik howa taksi hyzmatyny we uçýan taksiler üçin uçuş-gonuş meýdançalaryny işe girizjek dünýäde ilkinji şäher bolmagy maksat edinýär.
Dubaýyň Ýollar we ulag müdirligi (RTA) bilen ABŞ-nyň Joby Aviation kompaniýasynyň arasynda gol çekilen şertnama laýyklykda, howa taksisi 2026-njy ýyla çenli işe giriziler diýip, TimeOut Dubai habar berýär.
Uçýan Joby S4 taksileri, takmynan, 160 km aralyga dört ýolagçyny we piloty gatnadyp biler. Taksiniň iň ýokary tizligi sagatda 320 km bolar. Olar juda pessaý sesli we uglerod zyňyndysyz işlärler.
Dubaýyň hemme ýerinde howa menzilleri şäheriň ýaşaýjylary we myhmanlary üçin elýeterli bolar. Olaryň gurluşygy Britaniýanyň Skyports Infrastructure kompaniýasy tarapyndan amala aşyrylar.
Howa taksisi ýol dyknyşyklaryny aýyrmaga we şäheriň içinde hereketi has çalt we amatly etmäge ýardam etjek ulag görnüşindäki öwrülişik bolar.
Dubaý öz innowasiýa taslamalary bilen köpden bäri tanalýar we howa taksisiniň işe girizilmegi geljege tarap ýene bir ädim bolar.
