Xiaomi üç zonaly kir ýuwujy ulgamy bolan we umumy agramy 14 kg-a çenli eşigi ýuwup bilýän Mijia Three-Zone Washing Machine 14 kg kir ýuwujy maşynyny çykardy. Täze maşynyň bahasy 6000 ýuan, ýöne hökümet subsidiýasy bilen bahasy 4500 ýuana (660 dollar töweregi) çenli arzanladyldy.
Täze maşynyň esasy aýratynlygy onuň üç barabanly gurluşydyr. Esasy baraban 12 kg eşigi ýuwýar, goşmaça iki mini barabanyň her biri bolsa 1 kg eşigi ýuwýar.
Maşyn suwuň garyşmagynyň öňüni alýan we özara hapalanmak töwekgelçiligini azaldýan üç sany garaşsyz suw üpjünçilik zynjyry bilen enjamlaşdyrylan. Öndüriji ulgamyň aýyrmasy kyn we könelişen tegmilleri hem netijeli aýyrýandygyny we ynjyk zatlary has howpsuz ýuwmagy üpjün edýändigini belleýär.
Goşmaça barabanlar içki eşikler we joraplar ýaly, kiçi geýimler üçin niýetlenen we her biriniň özüne mahsus ýuwuş tertibi bar.
Modelde akylly amortizasiýa we sesi peseltmek tehnologiýalary bar. Xiaomi öý haýwanlarynyň tüýlerini aýyrmagyň netijeliliginiň 91,4%-e ýetýändigini mälim edýär.
Kir ýuwujy maşyn Surge Smart Connectivity ulgamy arkaly Xiaomi ekoulgamyna birikdirilýär, bu bolsa kir ýuwujy maşynlaryňyzy dolandyrmaga we akylly öý enjamlaryňyz üçin awtomatlaşdyrylan ssenariýleri döretmäge mümkinçilik berýär.
