Ford ozal näbelli “skunkworks topary” bilen bilelikde Tesla-nyň we Hytaý öndürijileriniň elektrik awtoulaglary bilen bahada bäsleşip biljek elektrik ulaglarynyň köpçülikleýin önümçiligini ýola goýar. Bu barada motor1-e salgylanýan IXBT.com habar berdi.
Ford-yň baş direktory Jim Farliniň sözlerine görä, arzan bahaly täze elektrik platformasy soňky iki ýylda kompaniýanyň daşyndaky “başlangyç” hökmünde işleýän skunkworks topary tarapyndan işlenip düzülýär.
Bu täze çeýe platforma geljekde birnäçe awtoulag üçin esas bolmalydyr.
Häzirlikçe geljekki awtoulaglaryň aýratynlyklary mälim edilmedi. Farli platformanyň esasy maksadynyň “Tesla we elýeterli hytaý awtoulaglary” bilen bäsleşip biljek, ulanyjylar üçin arzan bahany saklamakdan ybaratdygyny belledi.
Tesla Model Y elektrikli Ford Mustang Mach-E-den birnäçe müň dollar arzan, Tesla-nyň iň arzan awtoulagy bolan Model 3 sedany bolsa 8000 dollar arzan.
