Türkmenistan Ýewropa maýa goýum banky bilen hyzmatdaşlygyny ösdürýär

  • 03.02.2024 01:24
  • 5.2k+

Anna güni geçirilen Hökümet mejlisinde wise-premýer, daşary işler ministri R.Meredow Türkmenistan bilen Ýewropa maýa goýum bankynyň arasyndaky hyzmatdaşlygy ösdürmek boýunça görülýän çäreler barada hasabat berdi.

Türkmenistan 1992-nji ýylyň 1-nji iýunyndan bäri Ýewropanyň Täzeleniş we Ösüş Bankynyň agzasy bolup durýar. Bu bank bilen ýurdumyzyň dokma senagaty, oba hojalygy, ulag we logistika hem-de hususy ulgamynda maýa goýumlaryny amala aşyrmak we karz serişdelerini gönükdirmek boýunça ysnyşykly hyzmatdaşlyk ýola goýuldy. Bu bank bilen 30 ýyldan gowrak wagtyň dowamynda Ýewropanyň Täzeleniş we Ösüş Bankynyň maliýe serişdeleriniň hasabyna ýurdumyzda 87 taslama amala aşyryldy. Häzirki wagtda 22 sany taslamany durmuşa geçirmek boýunça degişli işler alnyp barylýar.
Ýewropanyň Maýa goýum banky 1958-nji ýylda esaslandyryldy. Häzirki wagtda, Ýewropa Bileleşigine girýän 27 döwlet bu bankyň paýdarlary bolup durýar. Bu bank dünýäniň 160 döwleti, bank edaralary, BMG we beýleki halkara guramalary, jemgyýetçilik guramalary we hususy ulgam bilen hyzmatdaşlyk edýär. Bankyň maýa goýumlary we karz serişdeleri esasan daşky gurşawy, howanyň üýtgemegi, innowasiýa, sanly ulgam, adam kapitalynyň ösdürilmegi, kiçi we orta telekeçiligi, durnukly şäherler we sebitler, energiýa we durnukly ulag ýaly ugurlara gönükdirilendir.
Şunuň bilen baglylykda, Türkmenistan  bilen Ýewropanyň Maýa goýum bankynyň arasynda netijeli hyzmatdaşlygy ýola goýmak, hususan-da, Çarçuwaly ylalaşygyň taslamasy boýunça gepleşikleri geçirmek, şeýle hem beýleki degişli meseleler boýunça teklipler beýan edildi.
Serdar Berdimuhamedow wise-premýere, daşary işler ministrine  Türkmenistan bilen Ýewropa maýa goýum bankynyň  arasyndaky hyzmatdaşlygy ösdürmek boýunça işleri dowam etmegi, Türkmenistanda durmuşa geçirilýän taslamalara bu halkara bankynyň maýa goýumlaryny çekmek boýunça zerur işleri geçirmegi tabşyrdy.


düýn 22:01
873

Türkmenistanyň ylmy wekiliýeti Rimde möhüm senelere bagyşlanan çärelere gatnaşdy

25-nji noýabrda Türkmenistanyň Ylymlar akademiýasynyň Prezidenti A.Aşirowyň ýolbaşçylygyndaky türkmen wekiliýeti Italiýada ýerleşýän Palasso Walentini köşgünde geçirilen halkara maslahata gatnaşdy. Türkmenistanyň...

düýn 09:25
916

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

düýn 09:21
2.4k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

düýn 09:16
6.4k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...