2023-nji ýylda Azerbaýjana baran Türkmenistanyň raýatlarynyň sany ýyl hasabyndaky möçber boýunça 2,3 esse artyp, Respublika baryp gören syýahatçylaryň umumy sanynyň 1,2%-ini emele getirdi. Bu barada Report Azerbaýjanyň Döwlet statistika komitetiniň maglumatlaryna salgylanyp habar berýär.
Umuman aýdanyňda, 2023-nji ýylda 187 ýurtdan 2 million 085 müňden gowrak syýahatçy Azerbaýjana baryp gördi, bu bolsa 2022-nji ýyldakydan 30,2% köpdür.
Geçen ýyl bu ýurda baran syýahatçylaryň 30% töweregi Russiýa Federasiýasyndandy. Ikinji orunda Türkiýe (18,1%), Eýran üçünji orunda (7,9%), dördünji orunda Hindistan (5,6%) durýar. Bu görkeziji boýunça Türkmenistan ilkinji 15 ýurduň hataryna girýär.
Azerbaýjanyň Döwlet syýahatçylyk gullugynyň habaryna görä, 2022-nji ýylda Türkmenistandan Azerbaýjana baryp gören syýahatçylaryň sany, takmynan, 11 müň raýat boldy.
