Mähri Bäşimowa BMG-niň Baş sekretarynyň ýörite wekili Kaha Imnadze bilen duşuşdy

  • 17.01.2024 15:14
  • 5.6k+

16-njy ýanwarda Türkmenistanyň Daşary işler ministriniň orunbasary Mähri Bäşimowa Birleşen Milletler Guramasynyň Baş sekretarynyň ýörite wekili, BMG-niň Merkezi Aziýa üçin Öňüni alyş diplomatiýasynyň sebit merkeziniň (UNRCCA) ýolbaşçysy Kaha Imnadze bilen duşuşdy. Bu barada Türkmenistanyň DIM-niň saýtynda habar berilýär.

Duşuşygyň dowamynda M.Bäşimowa K.Imnadzeni jogapkär wezipä bellenmegi bilen gutlady hem-de hyzmatdaşlygy we parahatçylygy berkitmek, şeýle hem ýurtlaryň arasynda özara düşünişmegi saklamak meselesindäki merkeziň tutuş sebit boýunça alyp barýan işleriniň ähmiýetini aýratyn belläp geçdi.
Türkmenistanyň “Merkezi Aziýa ýurtlarynyň zenanlarynyň dialogy”, BMG-niň Terrorçylyga garşy göreş gullugy ýaly köptaraplaýyn diplomatiýanyň mehanizmleri bilen işlemek boýunça başlangyçlaryny işjeňleşdirmek we öňe sürmekde BMG-niň Aşgabatdaky sebit merkeziniň ornuny artdyrmaga hem-de howpsuzlyk, bilim we hökümet işgärlerini beýan edildi.
Taraplar BMG-niň Baş Assambleýasynyň 78-nji mejlisiniň çäginde öňe sürlen Türkmenistanyň başlangyçlaryny durmuşa geçirmäge gyzyklanma bildirdiler. Bu nukdaýnazardan, ählumumy gün tertibindäki möhüm meseleleri çözmekde Türkmenistanyň toplumlaýyn çemeleşmesiniň we durmuşa geçirilmegine goşýan goşandynyň ähmiýeti bellenildi.
Diplomatlar ýakyn wagtda meýilleşdirilýän bilelikdäki çäreleriň meýilnamasyny hem ara alyp maslahatlaşdylar.


düýn 15:25
1.1k+

“Türkmenistanyň daşary syýasaty we diplomatiýasy” žurnalynyň täze sany çapdan çykdy

«Türkmenistanyň daşary syýasaty we diplomatiýasy» ylmy-tejribe žurnalynyň nobatdaky sany çapdan çykdy. Onda şu ýylyň üçünji çärýeginde Türkmenistanyň daşary syýasy durmuşynda bolup geçen esasy wakalar barada makalalar berilýär...

düýn 15:12
1k+

Türkmenistanyň Mejlisinde Hytaý Halk Respublikasynyň wekiliýeti bilen duşuşyk geçirildi

23-nji oktýabrda Türkmenistanyň Mejlisiniň wekilleriniň Ählihytaý ýygnagynyň Oba hojalygy we oba işleri boýunça Komitetiniň Başlygynyň orunbasary jenap Duan Çunhuanyň ýolbaşçylygyndaky wekiliýeti bilen duşuşygy geçirildi...

düýn 15:07
3.1k+

Türkmenistanyň Prezidenti itşynaslary Türkmen alabaýynyň baýramy bilen gutlady

Prezident Serdar Berdimuhamedow Türkmenistanyň itşynaslaryny, alabaý itleriniň janköýerlerini we ýurdumyzyň halkyny Türkmen alabaýynyň baýramy bilen gutlady. Döwlet Baştutany gutlagynda öý-ojagy, asudalygy goramakda, wepalylykda türkmen alabaýlarynyň tebigy we nusgalyk häsiýetlere eýedigini belläp geçýär...

düýn 15:00
1.6k+

Serdar Berdimuhamedow Gazagystanyň Prezidentini Respublika güni bilen gutlady

Prezident Serdar Berdimuhamedow Gazagystanyň Prezidenti Kasym-Žomart Tokaýewe we ýurduň doganlyk halkyna milli baýram — Respublika güni mynasybetli tüýs ýürekden gutlaglaryny iberdi. Bu barada TDH habar berýär...