Türkmenistanyň Gazagystandaky ilçisi Batyr Rejepow Respublikanyň medeniýet we maglumat ministri Aida Balaýewa bilen duşuşdy. Söhbetdeşler medeni-ynsanperwer ulgamda ikitaraplaýyn ylalaşyklaryň durmuşa geçirilişini, hususan-da, Astana şäherinde Magtymguly Pyragynyň heýkelini oturtmak meselesini maslahatlaşdylar diýip, türkmen diplomatik wekilhanasynyň Metbugat gullugy habar berýär.
Astana şäherinde Magtymguly Pyragynyň heýkelini we Aşgabatda Abaý Kunanbaýewiň heýkelini oturtmak barada ylalaşyk Prezident Serdar Berdimuhamedowyň 2022-nji ýylda Gazagystana döwlet saparynyň barşynda gazanyldy.
Duşuşygyň ahyrynda türkmen diplomaty ministre türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa "Arkadag - geljegiň şäheri" kitabyny sowgat berdi.
