Amerikanyň Tesla kompaniýýasy programma üpjünçiligi bilen baglanyşykly kynçylyklar sebäpli Hytaýda 1,6 milliondan gowrak elektrik ulagyny yzyna çagyrýar diýip, ýurduň Bazary düzgünleşdiriş döwlet dolandyryşynyň (State Administration for Market Regulation, SAMR) beýannamasyna salgylanýan AFP habar berýär.
Yza çagyryş uzak aralykdan programma üpjünçiliginiň täzelenmegi arkaly amala aşyrylar we 2014-2023-nji ýyllarda öndürilen awtoulaglara, esasanam, Hytaýda öndürilen Model 3-e we Model Y-a, şeýle hem import edilen Model S-e, Model X-e we Model 3-e degişli bolar.
SAMR-yň bellemegine görä, ýüze çykarylan meseleler sürüjä kömek ulgamyna degişli bolup, çaknyşmak töwekgelçiligini ýokarlandyrýar. Şeýle hem, 7,5 müň sany import edilen Tesla-nyň gapysynyň gulplanyş ulgamynda näsazlyk bar.
Tesla-yň paýnamalary anna güni bazardan öňki söwdada 0,3% aşaklady.
