Prezident Serdar Berdimuhamedow Abdel Fattah Al-Sisä Müsür Arap Respublikasynyň Prezidenti wezipesine gaýtadan saýlanylmagy mynasybetli tüýs ýürekden gutlaglaryny, iň gowy arzuwlaryny iberdi.
“Biz Türkmenistan bilen Müsür Arap Respublikasynyň arasyndaky dostlukly gatnaşyklara ýokary baha berýäris we onuň geljekde iki ýurduň halklarynyň bähbitlerine mundan beýläk-de ösdüriljekdigine ynam bildirýäris” diýip, döwlet Baştutany gutlag hatynda belledi.
Serdar Berdimuhamedow mümkinçilikden peýdalanyp, Müsür Arap Respublikasynyň Prezidenti Abdel Fattah Al-Sisä tüýs ýürekden berk jan saglyk, bagtyýarlyk, täze başlangyçlarynda üstünlikleri arzuw etdi.
Müsürde prezident saýlawlary 10-12-nji dekabrda geçirildi. Müsüriň kanunyna laýyklykda, döwlet Baştutany alty ýyl möhlet bilen saýlanýar.
