Moskwada Russiýanyň Hökümetiniň Başlygynyň orunbasary Alekseý Owerçuk bilen Türkmenistanyň wise-premýeri, daşary işler ministri Raşid Meredowyň arasynda duşuşyk geçirildi.
Taraplar söwda-ykdysady hyzmatdaşlygyň ileri tutulýan meselelerini ara alyp maslahatlaşdylar we 2023-nji ýylyň 10-njy oktýabrynda Aşgabatda Ykdysady hyzmatdaşlyk boýunça Hökümetara toparyň Başlyklarynyň duşuşygynyň netijeleri boýunça gazanylan ylalaşyklaryň durmuşa geçirilişini maslahatlaşdylar.
Owerçuk we Meredow şeýle hem 2024-nji ýylyň ýanwar aýynda Türkmenistanda geçirilmegi meýilleşdirilýän Hökümetara türkmen-russiýa toparynyň 13-nji mejlisine we Ikinji türkmen-russiýa işewürler forumyna taýýarlyk meseleleri boýunça pikir alyşdylar diýip, RF-niň Hökümetiniň saýty habar berýär.
